Social media don scatter as Mr Jollof and VeryDarkMan (VDM) fight physically inside a flight from Asaba to Lagos this morning — a beef wey start since 2024.
According to eyewitness gist, VDM sit for seat 7 while Jollof dey seat 4 for the United Airline flight. As Jollof waka pass, VDM remind am say for May 2024 he promise to slap am anytime he see am. Jollof ignore at first, but VDM return again, insisting make Jollof deliver the “promised slap”.
Read also: NAFDAC Dismisses VDM’s Extortion Allegation, Raises Cybercrime Law Concerns
Passengers first think say na cruise, but after VDM provoke am repeatedly, Jollof lose him cool — slap land. VDM return am. Fight burst.
Punches, slaps, dragging, and even bite marks wey Jollof reportedly leave for VDM chest before passengers separate them.
VDM later boast say, “I beat am. I don chop Jollof papa for inside plane.”
The NCAA don begin investigate the matter, as neutral Nigerians dey call for flight ban for VDM.
The beef between the two start last year when VDM accuse Jollof of doing disguised paid promo for BillPoint (Blord app) wey dey owe customers. Jollof deny am, warn VDM to stop pointing at am, claim say he go “slap him eye”. VDM reply say he go attack Jollof anywhere if he ever feel threatened.
Jollof later sue VDM for ₦500m defamation, and VDM simply reply: “You be mumu.”
MrJollof,VeryDarkMan,VDM,JollofVsVDM,PlaneFight,AsabaToLagos,NCAA,SocialMediaBuzz,NaijaCelebDrama
